「蛇鼠一窩」慶人日

正月初七人日，是一家人坐埋一檯，食餐好的日子。總部設於北京、主理港澳料理的食府「德江廚房」，炮製了一頓佳餚，與港人共慶人日。

「德江廚房」設於香港西環的分店，早前廣發英雄帖，於初七人日下午聚首於灣仔會展，齊齊擦餐勁。一班「德江廚房」粉絲聞風湧至，甚至有由其他食府過檔、趕過來會展的食客。但與此同時，亦有不為所動的食客對「德江廚房」的邀請嗤之以鼻，透過捐獻或上載短片至互聯網，默默為自己心儀的食府打氣。

今次人日佳餚由「德江廚房」西環分店主廚章小明於幕後親自下廚，但用料未見新鮮，甚至要採用因主廚腳痛而結業的過氣餐室「老慒董」的部份過期食品來烹調。結果，小明花了一個下午，以林鄭作為主菜，配以震霆、千石、大輝、麗泰、智思等配菜，再加上惠珠、愛詩、君堯、國蟑、永強、浩鳴等調味。呢堆野炒埋一碟，最終炮製出中式名菜「蛇鼠一窩」。

香港人在人日不怕冇啖好食，只怕食你唔飽。但希望在明天，最後哪間食府跑出，還看三月廿六。

作者facebook